Monday, March 9, 2015

Dini, Azaki, vyuo au wanasiasa wa kuikomboa tanzania?

Dada Anna,

umetoa mchango mzuri juu ya nafasi ya Dini na taasisi zake kushirikikuleta mabadiliko chanya na katika mchango wako huo ukiangalia kilamchhangiaji anaukwepa, hakuna anayetaka kuona nafasi ya dini katikakuikomboa jamii yetu na ukigusa dini kila mtu anacharuka na kuanzakuiteetea utafikiri dini zetu na viongozi wake wanaisi mbinguni na sioduniani.


upande wa TZ, dini ziko upande wa wakandamizaji na naweza kusema yakuwa dini zetu zinasapoti mafisadi, wezi wa kisiasa na CCM maslahi.nyakati za kampeni viongozi wa dini hizi huja na kauli za kutukuzautawala kama vile Kikwete ni chagua la Mungu-Kilaini na Kulola,kikwete ni kama mfalme daudu-Malasusa


then viongozi hawa wanatwambia kuwa mamlaka zote hutoka kwa Mungu. nabaada ya hapo, wanasiasa wenye utajiri ndio hushiriki kwenye harambeeza kidini na huwa na nafasi maalumu kwenye Nyumba zetu ibada.hhuchangia hela Nyingi na haki ya Mungu hamna kiongozi wa dinianayeweza kusimama na kukemea wizi wa wanasiasa, uliwahi kumsikiakiongozi wa dini ipi akikemea wizi na ufisadi na kukataa michango yamafisadi kuwa inanuka rushwa?


viongozi wachache wa dini wanaojaribu kuwa upande wa wanachiwanathibitiwa kwa kuwa ni wasaliti kama ilivyo kwenye vyama vya siasa.kwa mfano padre Kalugendo alijipambuanua na maambukizi ya VVU kwawaumini kwa kuwaambia kuwa watumie Kondomu kinyume na mafundisho yakanisa. Karugendo alifukuzwa upadre kwa usaliti japo baadae kanisakatoliki lilikuja kukubaliana na mitizamo ya kikarugendo kwa kutambuamatumizi ya kondomu kwa wanandoa! na usaliti wa karugendo haujaisha nakumrudisha U-padreni


kwa hiyo dada Anna, unapoipigania jamii ya KiTZ ujue tunapaswa kuepukaviongozi wa dini hizi.


neno usaliti katika vyama vya siasa linatumika kukamilisha maslahi yawanasiasa wanaovingoza.


vyame vyetu vikubwa vya CCM, CUF, Chadema, NCCR, TLP, nk vimekuwavikiita baadhi ya viongozi wao kuwa ni wasaiti na kuwafukuzauanachama. kwa kifupi ni kwamba vama vyetu haviwezi kuamini katikakukubaliana katika kutokukubaliana na maisha ya kaenda, ni lazimammoja 'afe' ili mwingine aweze kutawala vizuri. mpaka jamii yetuikiweza kufikia hatua hiyo ndipo tutakuwa na vyama imara vinavyowezakuleta mabadiliko halisi


hata sisi watanzania tukiweza kuongozwa kwa itikadi na imani thabiti.utaona watu wanahaha kutoka chama kimoja kwenye kingini kwa kauli zakijinga mara nimerudi nyumbani, mara chama hiki hakifai nk, na ndiomaana waTZ wa vijijini hushindwa kujua wafuate itikadi ipi.


ni kwa nini bila kujali kuwa kuna UKAWA, CCM wala chadema, asasi zakiraia, watu binafsi wasiokuwa wana asasi wala wafuasi wa vyama,taasisi za kidini kwa ujumla wake, Vyuo na hata vyombo vya habarivisikae pamoja na kuteua watu wanaostahiri kutuongoza na kuwaomba auhata kuwalazimisha kugombea nafasi stahiri na kuwaambia wanaachi kuwamtu faluni ndiye anayepaswa kuongoza Taifa hili bila kujali chamachake, dini yake wala ubini wake na kumpigia kampeni?


ni kwa nini Taasisi hizi ziko kimya na kuliacha jukumu hili kwa vyamava siasa pekee then baadae vinakuja kusifia na kukosoa matendo yaowakiishakaa madarakani, kuchukua fedha zao kwa njia ya Sadaka namichango huku tukilaghaiwa kuwa viongozi wote hutoka kwa Mungu hukutukijua awagombea wetu ni wezi, mafisadi na watendo maovu kibao dhidiya ubinadamu?


tukifikia hatua ya kuw ana Mgombea binafsi/pekee angalau itaimarishavyama kwani vitajua zairi shairi ya kuwa vikimmtimua tu mtu atasimamayeye kama yeye kugombea na sio Chama.
Dada Anna mfano wako ulioutoa wa mwanaharakati na mwanachama kwendakutuo semina kwa chama kingine moja kwa moja kwa mfumo wetu ni'usaliti'. ni bora ukawasaliti wapiga kura wako kuliko chama, maanachama hakitakufukuza wala kukusema.


mabadiliko halisi kwa watanzania haawezi kuletwa na taasisi hizitulizonazo za kidini, Asasi za kiraia wala vyama vyya siasa,tunahitaji kizazi kipya kissichoangalia sana taasisi hizi barakinachoona uhalisia na kupigania haki ya watanzania wote

Wednesday, September 17, 2014

the coming back, kurudi mara ya pili.

bandugu bapendwa

kuna watu wanaosubilia ujio wa Mesiah, kuna waliokata tamaa hawasubilii tena Mesiah wala nani maana it have taken long time without any hope ar any sign post that the guy is now somewhere near on the road and so pave the way, mtandikie matawi ya miti na nguo ili hasikanyage udongo

sasa basi, blog yetu hii inakujia tena upya katika uzuri na ubora usiosemekana. nikutie moyo wa kujiandaa kusoma blog hii na kuchangia maoni. kama kawaida vichekesho, vitimbwi, vituko, elimu, habari na picha zitakuwa ndizo nguzo zetu

so karibu sana kijiweni usisahau kuacha lijimaoni hata moja tu

Friday, September 12, 2014

Kiapo cha Uraia wa Marekani

Mtu anapoomba uraia wa Marekani, anakula kiapo, wakati wa kupewa uraia huo, na katika kiapo hiki anatamka kuwa hatambui mamlaka ya kiongozi wa nchi anakotoka juu yake, wala hatambui mamlaka ya serikali ya nchi anakotoka juu yake. Anaukana kabisa utii na uaminifu kwa kiongozi, serikali au himaya ya nchi alikotoka. Kiapo ni hiki hapa:


I hereby declare, on oath, that I absolutely and entirely renounce and abjure all allegiance and fidelity to any foreign prince, potentate, state, or sovereignty of whom or which I have heretofore been a subject or citizen; that I will support and defend the Constitution and laws of the United States of America against all enemies, foreign and domestic; that I will bear true faith and allegiance to the same; that I will bear arms on behalf of the United States when required by the law; that I will perform noncombatant service in the Armed Forces of the United States when required by the law; that I will perform work of national importance under civilian direction when required by the law; and that I take this obligation freely without any mental reservation or purpose of evasion; so help me God.

Saturday, August 9, 2014

Why men don't write advice columns



Dear Uncle Wayne
I am a lady aged 26 and my husband is 34. 

I left my husband with the maid and our baby at home. After driving for just about 2km from home, my car engine started to over-heat. So I had to return and get the other car. 

When I got home I found my husband in bed wth our maid. I don't know what to do. Please help me.
Uncle wayne's reply: 

Overheating of the engine after such a short distance can be caused by
problems associated with the radiator. 

You need to check the oil and water levels in your engine
before you start your journey. 

You must also make sure your car is serviced regularly to avoid problems in future. I hope my answer will help
solve your problem....."

Monday, March 10, 2014

ujjumbe kwa wanawake

What a challenge, hivi mnajua ya kuwa sisi sote wanaonyanyasa na wasionyanyasa wanawake tumezaliwa na kulelewa na wanawake na hivyo matendo yetu yanareflect tulivyolelewa na wanawake ili tuwe tulivyo?
katka masuala ya wanawake kuna Radical feminism inayojaribu kuonyesha usawa wamwanamke na mwanaume yaani ni kama ubishi fulani, kwa mfano soka la miguu la wanawake linapigiwa upatu kuliko netball etc
ila sasa wanaume wote waliokwenye position wamepiganiwa na wanawake. wanawake hunyanyasana sana wao kwa wao labda kuliko wanavyonyanyaswa na wanaume. mfono hai ni manyanyaso niliyoyashuhudia kwa mama yangu dhidi ya mawifi zake na mama mkwe wake au bibi yangu - hatari
wanawake wajifunze kuwa kuna maisha ya ndoa, na kuna vyeo kazini, wasichanganye mambo haya kamwe. ninavyoona na kutenda, kwenye ndoa hamna HAKI, ila kuna maelewano/makubaliano na maridhiano. ukileta habari ya haki utaishia kutengana
anyway am proud kuwa maisha yangu yamezungukwa na Mwanamke, nilizaliwa kutoka kwenye tumbo la mwanamke, nikawakaribu na dada, nikapata girlfriends na sasa naishi na Mke natamani piia kuzaa kabinti, so maisha yangu hayawezi kutenganishwa na mwanamke

Wednesday, March 5, 2014

Kazaura alikutana na wasomi wa kabila lake maeneo tofuauti ya ulaya



Katika mazishi ya aliyekuwa mkuu wa chuo kikuu cha Dar es salaam, mwenyikiti wa Bodi ya shirika la umeme nchini Tanesco, naibu katibu mkuu wa jumuiya ya Afrika mashariki, balozi mstaafu na vyeo vingine lukikuki yalijitokeza mambo kadha wa kadha. Kubwa zaidi kuliko yote ni ujio wa Rais wa Jamhuri ya Muungano wa Tanzania Mheshimiwa Jakaya Mrisho Kikwete katika  mazishi hayo.

Katika kitongoiji cha Kateiganilo kijijicha Igurugati kata ya Bugandika mkoani Kagera ndipo mazishi ya balozi Kazaura yalifanyika jumamosi ya Tarehe mosi Mwezi machi mwaka huu. Zilikuwa ni ibada baada ya ibada na ibada ya mazishi ilichukua muda mrefu kwakweli ikiongozwa na askofu msaidizi wa jimbo Katoliki la Bukoba mkoani Kagera Mhashamu Methodius Kilaini. 

Mazishi hayo yalithibitisha ni kwa kiasi gani serikali ikiamua mambo yanaweza kuwa mazuri. Ilijengwa bara bara nzuri sana ya changarawe kuelekea Nyumbani kwa Marehemu ambayo haijawahi kushuhudiwa mahali pale tangu uwepo wa kijiji hicho, huku Umeme ukiwaka bila hata kucheza kama ilivyozeleka.

Ujio wa raisi haukuwa jambo la kawaida kijijini Igurugati kwani watu walihamaki kumuona, huku baadhi ya wazee wakijadili ukaribu aliokuwa nao Balozi Kazaura kwa Rais Kikwete na wengine kwenda mbali na kusema kuwa Bugandika imebarikia sana kwa Kikwete (wengi hutamka Kikweete) kuikanyaga ardhi yao ya Bugandika.

Pamoja na kwamba kata Bugandika imezalisha wasomi wengi na watu mbali mbali, bado ni kata ambayo iko nyuma kielimu. Shule waliosomea akina Balozi kazaura na wengine haivutii kuingalia machoni. Zahanati nayo haina umeme wala wodi ya kulaza akina mama. Sijui wagonjwa na wazazi wanaokimbbilia pale usiku inakuwaje huduma yao

kubwa zaidi ni labda marehemu Kazaura hakuwahi kuchunga mifugo, kuchanja kuni au hata kuchota maji. Hii inatokana na wale wote walioongea juu ya walivyomfahamu marehemu kuwa na uzoefu wake katika anga za kimataifa zaidi. Wengi wa walioogelea jinsi wallivyomfahamu Balozi kazaura ni maprofesa na Madokta mbali mbali.  Majina kama Profesa Rweyemamu, Mutasa, Kagaruki nk yalisikika.
Wote hawa hakuna aliyewahi kukutana na marehemu mitaani ila walikutana naye zaidi ulaya na marekani katika mikutano mbali mbali na masomo yajuu. Nilisikia mtu mmoja tu aliyeongelea habari za kusoma naye shule ya Ihungo iliyoko mmkoani Kagera. Hizi ndo huwa swaga za  Kagera bwana, Shumaalamu waitu

Saturday, March 1, 2014

nimeshiriki mazishi ya balozi Kazaura, wengi walikuwa naye ulaya

katika mazishi ya Balozi Furgence Kazaura, mamia kwa makumi wamehudhuria na wengine wakitokea jijini Dar na maeneo mengine ya nchi. 

watu waliopewa nafasi ya kuzungumza jinsi walivyomfahamu marehemu wameongelea zaidi jinsi walivyokutana naye maenoa tofauti ya Ulaya na marekani na wakaeleza walivyokuwa ndugu wa karibu wa marehemu hata kama wengine sio wa kijiji hicho!
alikuwepo mzee Mutasa, Prof Rweyemamu, Kagaruki etc. 

umeme uliwaka bila hata kutikisikia huku barabara ikitengenezwa mpaka nyumbani kwa marehemu. wengine waliohudhuria mazisha ya Balozi Kazaura ni pamoja na Lwekaza Mukandala, Edward Lowasa, bila kusahau Rais Jakaya Kikwete na Askofu Kilaini aliyeongoza ibada ya mazishi

Friday, February 14, 2014

UKIONA UMEJIANDAA SANA NA VALENTINE UHUSIANO WAKO UNA UFA


Taratibu tutaelewana tu..Unasubiria Ijumaa ya Tarehe 14 kwa nguvu sana ILI IWEJE???Labda kama ni Anniversary ya penzi lenu(mlikutana siku ya tarehe hiyo),kwamba ni muhimu kuadhimisha..Wewe penzi lako na mchuchu mmeanza June 12,Valentine inawahusu nini??Mwaka mzima ulikuwa wapi??
Watu wenye Mapenzi STRONG siku hii ni Ijumaa ya kawaida kabisa na wataenda SKYLIGHT tu Thai Village kama hamna kinachoendelea,ila WEWE na uhusiano wako wa Bagia na Chumvi ndo unataka Ufufukie Ijumaa..Halafu Jumapili Mzike tena mpaka mwakani. 


Kwangu mimi Valentine ni kila siku...Nikikuta nguo nzuri ya beby nanunua nampelekea,hata kama ni November 19...Nikimmiss namfuata ghetto tunaenda Dinner Capetown Fish Market kula...Akiona kiatu kizuri ananunua anani-surprise,hata kama ni August 7
Penzi lililokufa halitabustiwa na Valentine Day kamwe...Kama hupendwi hupendwi tu,Penzi halifufuki Ijumaa...Penzi lililojengwa kwenye misingi Imara huenjoy Valentine kila siku
Narudia tena,Ukiona umepania sana Ijumaa ujue Penzi lako lina shida kwa sababu hata LEO inaweza kuwa Valentine yako ukiamua.Penzi la kweli halina tarehe kama Kalenda.


kutoka JF

Wednesday, January 15, 2014

INASISIMUA NA KUTISHA ILA INAFUNDISHA...... nimeikopi shemu


Katika kijiji cha Matare wilaya ya Mugumu
Serengeti, bwana Wambura alikamatwa kwa kesi
ya kusingiziwa na kuhukumiwa kwenda jela
miaka mitatu. Huku nyuma akiacha mke na
watoto wanne waliokuwa wanasoma. Hukumu
hiyo ilimtesa sana kichwa chake, alitamani kila
mtu anayemhisi kuwa ana makosa aingie katika
moyo wake na kuupata ukweli. Alilia na
umaskini wake, labda angepata wakili mzuri
angeweza kumtetea, kumkosa wakili
kukahalalisha kifungo hicho!! Alikwenda
gerezani huku akiumia sana rohoni. Aliyaanza
maisha mapya kwa shida sana, akawamnyonge
kila mara na mwili ukapoteza afya kiujumla.
Huko gerezani alifanikiwa kupata rafiki
aliyekuwa na cheo ama jukumu la uzikaji wa
wafungwa hasahasa ambao hawakuwa na ndugu
ama ambao ndugu zao huwa hawajitokezi pale
gerezani. Mzikaji alijaribu sana kumtia moyo
Wambura na kumwaminisha kuwa hiyo ilikuwa
hatua tu ya maisha
anapaswa kuizoea na siku moja ukweli
utajulikana tu! Bwana Wambura maneno ya
mzikaji hayakumuingia kabisa.. alizidi
kunyong’onyea. “Siwezi kuvumilia kukaa
gerezani miaka mitatu…..kama unajali kilio
changu nisaidie nitoroke kwa namna yoyote ile
ndugu yangu!!” Wambura alimsihi mzikaji.
SIKU MOJA mzikaji akamwambia Wambura kuwa
msaada umepatikana. Lakini yataka moyo!!
“Nipo tayari kwa lolote ilimradi tu nitoke
humu!!” alijibu kwa msisitizo huku akimtegea
sikio mzikaji. “Msaada pekee wa kukutorosha
humu ndani ni kwa njia ya jeneza… yaani
mfungwa akifa mimi nakuunganisha naye
kwenye jenerza…..” akashusha pumzi kisha
akaendelea “Wewe ukisikia kengele ya msiba,
njoo mara moja kwenye chumba cha maiti,
utakuta tayari sanduku liko katikati ya chumba
linakuwa halijafungwa, funua mfuniko ingia
ndani yake ulale pembeni ya maiti kwani
sanduku huwa kubwa la kutosha kila aina ya
maiti na hata miili miwili inaingia.
Kisha nitakuja na kulipigilia misumari. Baada ya
muda tutalipakia kwenye gari na kutoka kwenda
nje ya gereza makaburini nikiongozana na
baadhi ya wafungwa na maaskari magereza.
Tutakuzika huko lakini baada ya dakika 20 hadi
30 nitarudi kukufukua. Hautaweza kushindwa
kupumua kwa dakika hizo, utatoka ukiwa huru.”
JAPOKUWA wazo lilikuwa zuri lakini lilimtisha
sana Wambura. Hata hivyo akaona afadhali
afanye hivyo
kuliko kukaa gerezani miaka mitatu
bila kosa. Siku moja akasikia kengele ya msiba.
Akafanya kama alivyoelekezwa na mzikaji.
Akaenda na kuingia chumba cha maiti. Kweli
akalikuta sanduku, akiwa na hofu
kuu akaingia na kulala pembeni ya maiti
iliyokuwepo. Mara akasikia mtu ameingia na
kulipigilia msumari sanduku. Muda mfupi
baadaye sanduku likainuliwa na kuwekwa
kwenye gari. Gari likatoka nje ya gereza hadi
makaburini. Sanduku likashushwa
na kuwekwa kaburini na kuanza kufukiwa.
Wambura alijitahidi sana kuvumilia japo hofu
ilizidi kutanda. Alimtegemea sana mzikaji na
alianza kumuona mkombozi wa maisha yake.
Kama alivyoambiwa, akasubiri
dakika kumi, ishirini.. zikapita kimya!! Dakika
thelathini kimya. Joto nalo likazidi kuongezeka.
“Nitavumilia hadi afike…” alijisemea kisha
akajiongezea kauli ya ujasiri.
“Kama nilitakiwa kuishi gerezani miaka mitatu
kivipi dakika kadhaa za hapa kaburini
zinishinde” KWA kuwa alishakaa gerezani kwa
muda kiasi akatamani kujua aliyekufa ni nani…
ni kweli aliogopa kuitazama maiti lakini aliona
kama inatisha zaidi ikiwa
imefunikwa vile kuliko ikiwa wazi. Akaifunua
upande wa usoni… Kwa kuwa kulikuwa na giza
nene alikodoa sana macho kuitazama.
LAHAULA!!! MACHO YAKAKUTANA
NA SURA YA MZIKAJI!!!
MZIKAJI ALIKUWA AMEKUFA NA AMEZIKWA NA
AHADI ZAKE ZA UKOMBOZI!!
________________
FUNZO::
Usimtegemee sana mwanadamu katika maisha
yako, kwanza ni dhambi!! Pili mwanadamu
anakumbana na vikwazo kama unavyokumbana
navyo wewe hadi kumwendea yeye. Hivyo
kumpatia maisha yako ni kuzidi kuyaweka
hatarini zaidi!!
Umeonewa umesingiziwa unanyanyaswa…..
mwachie Mungu afanye maamuzi…
_______________
Haya mzikaji aliyetegemea atamfukua naye ni
maiti…… tazama mateso atakayoyapata hadi
kufa kwake…..Bila shaka atatamani kurudi
gerezani kwa miaka mingine kumi
lakini haitawezekana tena!!!

Wednesday, January 1, 2014

mwaka 2014 na mwamko mpya

baada ya kimya kirefu, sasa mwaka wa 2014 ni mwaka wa kufufuka kwa blogu hii, kuleta habari na picha za kusisimua, elimu, utambuzi na tafakari

karibu sana tunaomba kueneleza ushirikiano wetu wa awali

Admn, kijiweni blogu

Wednesday, September 18, 2013

Mavumbini ulitoka, kwenye sement na zege utarudi



Tangu mwaka jana mwezi wa nane mpaka septemba hii nimezika wapendwa watatu.  kwa misiba ya kikristo tumezoea kuona viongozi wa dini wakizika kwa kuwaambia waliokufa ya kuwa mavumbini ulitoka na mavumbini utarudi. Kwa uzoefu wa misiba hii ya kisasa, kauli hizi haina mashiko tena na zinastahili kuboreshwa

Katika misiba ya jamaa zangu ya hivi karibuni sikushuhudia hata mwili mmoja uliozikwa mavumbini bali kwenye sement, vigae mpaka zege. Sijui ni kwa nini binadamu tumeiga mfumo huu wa kazikana kwenye ma septic tanks.  Sijui ikitokea kijitundu kwenye kaburi na maji ya mvua yakajaa kaburiki itakuwaje mabaki ya mfu au  wezi wakija kuchukua nondo zao kaburi likabaki wazi

Makaburi ya siku hizi haswa kwa wenye nazo yanajengwa na kuwekewa naksh mbali mbali na mengine yanaboreshwa kila uchao. Kwenye kuzika sasa, watu hawajazi tena maundogo shimoni bali hurusha vijimaua kiasi juu ya majeneza yalotengezwa na kunakishiwa kinoma kabala ya kufungwa kwa zege iliyoshindiliwa siment kali na hivyo kuzuia uwezekano wowote wa mwili wa marehemu kuguswa na kiiudongo chochote.

Je sio wakati muafaka sasa kwa viongozi wa dini kuacha kusema  mavumbini ulitoka na mavumbini utarudi badala yake wasema Mavumbii ulitoka, kwenye sement na zege utarudi?

Friday, September 13, 2013

visa na mikasa ya wahamihaji haramu KAGERA

misako mikali inaendelea mkoani kagera, magari ya polisi yaliyosheheni
FFU, JWTZ na mofisa waliovalia kiraia (UWT, PCCB etc) yanaonekana
yakikimbia kama vile yanaendeshwa na vichaa wasiojali uhai wao.

hufika mahala wengine wakasombwa kibahati mbaya. nikiwa maeneo ya
ibwera, nakutana na jamaa mwenye asili ya Rwanda, hali halali,
anasimama milimani akiona gari la binafsi linakuja nduki anakimbilia
porini na kujificha pangoni

jamaa huyu amezaliwa hapa miaka ya sabini, babayake na mama
walimtelekeza na kurudi rwanda na hana mawasiliano nao tangu 1994.

ila sasa imengia siasa pia, nimekutana na bwana mmoja anapanga
kugombea udiwani uchaguzi mkuu ujao, huyu bwana anataka kuchuana
kwenye kata ya meya wa sasa, kapelekeshwa, anasema amelala Lupango ya
uhamiaji kwa siku 7 bila kupelekwa mahakamani, akawa mbogo na
kwalazimisha wampeleke mahakamani

ndo kaachiwa kwa sharti kuwa ajaze mafuta kwenye gari la
polisi/usalama, then awapeleke maofisa kijijini kwao izimbya na
kuwaonyesha makaburi matano ya babu zake ili kuuthibitisha uraia wake!

inasemekana hawa jamaa wakikutilia shaka wanataka vitambulisho,
usipokuwa navyo unaammbiwa imba wimbo wa taifa, ikishindikana basi
imba ile tanzania tanzania nakupenda.........

raia wenye asili za kigeni wote hapa matumbo yao ni ya moto hapa na
wengine wanatamani kuhama mkoa. swali kujiuliza ni je, kwa nini watu
kutoka rwanda, burundi, Uganda etc wanapenda kukimbilia na kujichimbia
hapa nchini lakni hawaombi uraia wala kuwa na nyaraka halali kwe wengi
wao?

Monday, July 29, 2013

tamaduni, maadili na maendeleo

Tuaweza kweli kuwa na Tz iliyostawi na tukawa na tamaduni zetu tukiamua. nchi za Asia zimeendelea na zinatunza tamaduni kwa kiasi kikubwa, TZ wakazi wa mijini wanajaribu kukumbuka tamaduni zao pale wanapokuwa na shughuli za ndoa/harusi naona kama South Africa wanapiga hatua lakini  tamaduni wanajitahidi, si unajua utamaduni lazima ukue na kubadilika pia?

wazazi kuadhibu watoto, sijui kwa nini wazazi wanalazimika kutunza maadili ya vijana, je ninani anatunza maadili ya wazee? wazee hawachemki kimaadili? ushoga ni wa vijana kuliko wazee? uvunjifu wa maadili ni wa vijana pia kuliko wazee? anayemonitor na kusema vijana wanachemka na wazee wako bonmba ninani kijana au mzee?
najiuliza

Saturday, May 4, 2013

Munga Tehenani, bado tunakukumbuka

Ilikuwa ni tarehe tano mwezi wa nane mwaka 2008 ndipo gwiji la utambuzi na Mahusiano ndugu Munga Tehenan alipoachana na mwili wake wengine wanasema kufa. Nilimfahamu Munga miaka miwili kabla ya kifo chake. Allijitolea kunisaidia bure kunfundisha masuala ya saikolojia, imani pamoja na utambuzi ili niweze kujitambua.

Kama kijana nilifika njia panda na kushindwa kuiona njia, nikadondokea mikononi mwa huyu bwana. Mimi na wenzangu wengi tulijifunza mengi juu ya sisi ni nani, maisha ni nini, imani na hata  masuala ya uchumi na fedha. 

Munga alitufundisha kwa unyenyekevu na kwa moyo mkubwa bila kuchoka na wala kudai malipo ya fedha kutoka kwetu ni moyo wa ajabu sana maana hata kanisani wahubiri hudai sadaka. Alifundisha juu ya ndoa na tendo la ndoa na hivyo kusababisha amani kubwa kwenye ndoa zilizokuwa njia panda.
Aliniwezesha kuzikabili changamoto za kifamilia na jinsi ya kuhishi na watu mbali mbali na pia jinsi ya kupata utulivu na uzingativu kupitia tahajudi/meditation ambako niliweza kujua tofauti kati ya miili minne aliyonayo  mwanadamu na hata tofauti iliyopo kati ya mtu na mwili wake. Darasa lake daima lilianza kwa Swali la mimi ni nani/nini?

Mwishoni mwa mwezi wanne mwaka 2008 Munga aliugua maradhi ya moyo yasiyoelezeka vizuri na baadae akalazwa katika hospitali ya Hindu Mandal ya jijini Dar. Munga hakuogopa kifo, nilienda kumjulia khali hospitalini akanambia ya kuwa kama asingepelekwa hospitalini hapo, basi angeisha achana na mwili wake.

Niliporudi hosipitalini kumuona tena, aliniambia ya kuwa anafikiria kuachana na mwili (kufa) kwa kuwa ugonjwa ulimsumbua mno na hivyo yuko tayari kufa. Asubuhi ya tarehe tano mei nikiwa naelekea kumjulia khali, nilipigiwa simu na rafiki yangu McDonald na kunipasha habari za kifo cha Munga Tehenan, nilishtuka na kuwahi hospital kushuhudia mwenyewe.

Nilipofika chumbani alimokuwa, nilikuta mwili wake ukiwa umefunikwa na kufungwa kwenye shuka jeupe mzima mzima na mwanafunzi wake mwingine akiwa nje huku akibubujikwa na machozi. Nilijizuia kulia kwani Munga alitufundisha pamoja na mambo mengine kuzoea kifo. Basi kwa kushirikiana na wafanyakazi wa Hindu Mandal, tuliubeba mwili wake na kuuhifadhi mortuary na kesho yake tukauzika rasmi kwenye makaburi ya Kisutu jijini Dar.

Munga aliacha mjane na watoto watatu na pia aliacha darasa zuri la utambuzi linalozidi kushamiri mpaka sasa. Namshukuru kwa moyo wake wa kutoa bure elimu ambayo kimsingi ni ya gharama kubwa sana 

Kamala Lutatinisibwa

Wednesday, April 10, 2013

Tuwachape Mawaziri, Wabunge, Maaskari na tumchape kila anayeenda kinyume



Wanasema viboko vitasaidia sana vijana wetu kushinda mitihani na kutokufeli hata kidogo kwa hiyo tuwachape sana. Wizara ya elimu badala ya kusambaza vitabu, vifaa vya maabara nk sasa isambaze viboko mashuleni. Wafanya biashara wapewe tenda za kusafirisha “njiti” mashuleni kwa ajiri ya kuwachapa vijana wetu ili washinde mitihani yao.

Sijui kama utafiti umefanywa juu ya unjitishaji wanafunzi ili washinde mitihani au ni wale waliopata elimu kwenye mfumo wa kikoloni wa kuchapwa wanataka na watoto wao wachapwe ili wakione cha moto waliokipata wazazi wao kutoka kwa wakoloni na walimu wao waliofanya kazi kama wakoloni.
Nikiwa shule ya sekondori nililiichukia somo la fizikia kwa sababu tatu ambazo ni; mwalimu wa somo hilo kufundisha huku akivuta sigara darasani, matusi kwa wanafunzi pamoja na kuchapa viboko vilivyopitiliza kwa wanafunzi waliokosea, niliamua kuacha somo hili kama njia ya kuzikimbia adha za mwalimu huyu, Je viboko vitafaulisha kweli?

Walimu waliochanganyikiwa kwa mishahara midogo, makazi duni na mazingira magumu ya kazi yanayotokana na upigaji kura wa wazazi wa wanafunzi wao na wanafunzi wenyewe ukiwaruhusu kupiga viboko kama njia ya ufaulishaji katika ugiligili (frustrations) hizo si watawatwanga vijana wetu mpaka watokwe damu?

Shule zinazofaulisha vizuri wanafunzi wao katika mataifa yaliyoendelea na hata shule binafsi hapa nchini kama seminari, Academy  nk, wanawachapa wanafunzi zaidi kuliko hizi za kata au wana Vitabu vya kutosha, maabara nzuri, maktaba, madarasa bora huku wakiwapa walimu wao mazingira mazuri ya kazi? Kuna jamaa yangu ni mwalimu wa kiingereza katika shule moja ya binafsi, huyu bwana mshahara wake ni mzuri na huduma nyingine za kibinadamu zimeboreshwa, ndivyo matokeo y a somo lake yanavyokuwa mazuri kila mwaka.

Kama viboko nisuruhisho basi tuwachape wote sio watoto/wanafunzi tu. Tuwachape mawaziri wanaoshindwa kutimiza majukumu yao, tuwachape wabunge wanaosinzia bungeni, tuwachape mafisadi, tuwachape wafanyakazi wanaochelewa kazini, tuwachape maaskari wanaokula rushwa, tuwachape akina mama wanaoshindwa kunyonyosha watoto wao, tuwachape wanaume/wanawake wanaotoka nje ya ndoa.

Tuwachape viongozi wa dini wanaowatongoza waumini wao kwa kutumia sadaka za Mungu, tuwachape makandarasi wabovu, tuwachape madereva wanaovunja sheria za usalama barabarni, tuwachape wanasiasa wanaoshindwa kutimiza ahadi zao, tumchape kila mtu. Kwanini viboko viwe kwa ajili ya wanafunzi/na watoto pekee na sio wengine wanaofeli kutimiza majukumu yao? Tumchapee kila mtu harafu tusiwe na miudombinu mashuleni, vijana wetu watashinda kwa miujuza ya kiboko nakwambia.