kijiweni; nyegerage, karibu sana kijiweni soma, burudika, fikiri, jadili!

msaidieni Nestory Enericko asome!

jlkamala@yahoo.com (kamala Lutatinisibwa Lutabasibwa) — Thu, 07 Jan 2010 11:08:00 +0000

nimeamua kutundika mtundiko huu baada ya maoni yangu katika blogu ya mwenzetu matondo ambao umemgusa mtanzania mwema mmoja. unaweza kuona maoni yangu hayo hapa. niliongelea juu ya kijana ninayetamani kumwona akisomea katika mazingira mazuri lakini najitafuta sana kiuchumi,

kwa kifupi habari hiyo iko hivi; kijana Nestory Eneriko Kashekya alikulia kwenye familia yetu kule kijijini na alikaa pale kwa sababu tu kaka yake alikuwa houseboy wetu. baadaye kakayake alifukuzwa kazi ila yule kijana akakaa kwa muda. baadaye naye akafukuzwa. binafsi niliguswa na utulivu wake na uwezo wake wa akili za kuzaliwa na alivyofanya vyema shuleni.baada ya kuondoka nyumbani alienda kijijini kwao na kumalizia darasa la sana akashinda na kujiunga na shule za kata kijijini kwao ni Bugorora njia ya kuelekea kyaka-mutukula-uganda.

sikuwasiliana naye kwa kipindi kirefu na kuna wakati nilienda kumsaka ili nimpe anagalau pesa ya kununulia madaftari nk lakini sikumpata. nilipata taarifa kuwa baada ya kusomea shule ya kata ya bugorora na kukaribia kidoto cha tatu, shule ile haikuwa na walimu kwa hiyo alihamia shule ya kata ya kyaka na nikaambiwa anatumia baiskeli kwenda na kurudi, ni kama km50 hivi na risk kwani barabara kubwa ile. juhudi zake hizi na uwezo wake wa kiakili vilinikuna najisikia nisipofanya jambo ntakuwa sijatenda wema.

basi kuna shule ya private imeanzishwa pale bukoba mjini karibu na nyakato nanishule ya kanisa la KKKT, nia yangu ni angalau ahamie pale na kumaliziakidato cha nne akiwaboarding na akializa tutafute jinsi na ninaamini anaweza kufanya vizuri kwa kwelikwa hiyo inahitajika karo ya mwaka mzima shs laki saba na vitu vingine kama sare, vitabu nk.

baada ya maoni yangu hayo katika blogu ya prof Matondo, kuna mtanzania mwema aliyejitokeza na kuahidi kutoa mchango wa lakimbili ili nestory aende shule, sikuamini na kuamua kuzungusha kibakkuli hapa kijiweni ili kama kuna wengine wenye nia basi watoe kadri ya uwezo ili kijana Nestori akamalizie kidato cha nne katika mazingira mazuri ya Boarding ili aweze kuendelea vizuri kielimu natanguliza shukrani wakuu.
NB: sikuwahi kusema jambo kama hili kwani siamini kwa watz kuchangia elimu lakini mabadiliko yaweza kuanzia kwangu na wewe.

Asantesana
kamala JL kny UONGOZI WA KIJIWENI BLOG

hivi ni kwa nini watu hubusiana?

jlkamala@yahoo.com (kamala Lutatinisibwa Lutabasibwa) — Tue, 05 Jan 2010 08:28:00 +0000

Ndoa zetu na vidumbwe ndumbwe vya michango kibaaao

jlkamala@yahoo.com (kamala Lutatinisibwa Lutabasibwa) — Mon, 04 Jan 2010 06:38:00 +0000

Ukitaka kuoa/kuolewa usimwambie mtu yeyote kama vile ndugu na wazazi kuwa unataka kuoa. Tatizo la kuwaambia ni kwamba badala ya kusheherekea ndoa yako wataanza kusheherekea ndoa zao na labda kulipiza visasi vyao kwa wengine.
Ukijiandaa kuoa na kuwaambia wazazi, ndugu jamaa na maadui utasikia wakinza taratibu za kukuksanya michango ya harusi hiyo. Sio kweli kwamba wataandaa michango ili kufanikisha sherehe hiyo ambayo sio muhimu sana bali wataandaa sherehe zao wao wenyewe. Utasikia wanasema jamii itanionaje na kusemaje kwamba kijana wetu anaoa haarafu sijui ndo nini na nini
Utasikia wanakusanya michango tu eti kwa sababu na huwa wanawachangia hao wakusanyao michango kwao na sio ishu ya kufanikisha sherehe hiyo. Kwa hiyo ndani ya sherehe yako kuna wanaokuja kwa lengo la kusheherekea na wengine kula walichokilipia huku wakijiandaa nao kuchangisha. Basi utafanyiwa sherehe ya mamilioni lukuki.
Binafsi sikupenda seherehe yangu igharimu mamilioni na kulazimisha watu kutoa michango na sikutaka taratibu za kujionyesha zitawale sherehe hiyo na hivyo nilitamani kitu cha tofauti na mazoea ya kila siku. Basi sherehe ilibidi isizidi thamani ya shs laki nne na sikutaka suti ya gharama kwani sio mpenzi wa suti na kuvaa suti hapa Dar ni sawa na kujiingiza kwenye jera binafsi kwani joto la hapa na suti utakuwa umejibanika lakini pia sipendelei utamaduni wa kigeni na pia nikivaa nguo za kiafrika natoa soko kwa bidhaa za washonaji wetu wa ndani
Hata hivyo gharama zilizidi mpaka laki sita na sherehe ilikuwa wazi kwa waliochanga na wasiochanga. Nilitoa taarifa kwa ndugu jamaa na maadui wa karibi zikiwemo familia niliiyotokea muda mfupi. Wengi walinigomea kwani sikuwajulisha mapema ili wachangishe kama ilivyo ada. Anyway sikuona soo kwani katika shida za muhimu huwa nabakia peke yangu, iweje harusi ndo yatolewe mamilioni?
Hii yote ni kukamilisha usemi wa prof.Jmbele kwamba tunajenga baa nzuri wakati shule, zahanati, bara bara nk ni mbovu sana kuliko maelezo ikiwa ni ishara ya kkupenda starehe za kula na kuachana namambo muhimu nay a msingi kwa jamii yetu.
Nilichokipenda katika sherehe ile ni kwamba karibia kila mtu alivaa nguo za kiasili naharafu tulifanya mambo ya kitofauti na ikageuka kukwa kama vile ni ndoa ya kifalme. Natamani ningeweza kutundika mkanda mzima wa video hapa!

jlkamala@yahoo.com (kamala Lutatinisibwa Lutabasibwa) — Thu, 31 Dec 2009 13:38:00 +0000

click the photo to see it well

swali la sms

jlkamala@yahoo.com (kamala Lutatinisibwa Lutabasibwa) — Tue, 29 Dec 2009 08:50:00 +0000

nimetumiwa ujumbe huuu,,,

no Pagan, Religion or culture could Withstand the force of idea that man was born in natural sin and would never have any release from it until he accepted the messiah of his own people. Do you know this idea was and has been established by which force?

jamani naomba msaada wa kuelewa ujumbe huu maana mtumaji amenikimbia ghafra!!

utamu wa dafu wakuu

jlkamala@yahoo.com (kamala Lutatinisibwa Lutabasibwa) — Mon, 28 Dec 2009 12:37:00 +0000

kwanya likatwe, unyweeee harafu lichokonolewe, mkuu utafune mpaka basi. Mambo ya kuchokonoa haya.

krismass na burudani zake

jlkamala@yahoo.com (kamala Lutatinisibwa Lutabasibwa) — Mon, 28 Dec 2009 12:35:00 +0000

Sikuu kuu ya X mass imepita na mikikimikiki watu wakisherehekea na kupongezana hapa na pale, nifuraha nderemo na vifijo. Nilipokuwa mdogo nilijiuliza maswali mengi kuwa siku kuu iko wapi na has baada ya sikuyenyewe kkupita. Nilishangaa sana kwani sikuwahi kuuona huo ukuu wa siku hiyo hata kama vip

Ni nyakati hizi watu wanalewa na kuanguka ili tu washerehekee wasichokijua. Krismass yaweza kuwa haina uhusiano wowote na Yesu Kristo inayedaiwa kuwa ni birthday yake. Usahidi kibao unaonyesha hivyo

Kristo pia hakuwahi kusherehekea siku ya kuzaliwa kwake na hakumwambia msherehekeaji yeyeyote kusherehekea siku hii. Biblia inasema kuwa msherehekee kufa kwake na hasa lile tendo la kula chakula sawa kwa wote aliposema …fanyeni hivi kwa ukumbusho wangu…

Ni buruduni tosha na ni vijisherehe tu na maisha yanaendelea, wale wenye kufanyabiashara wanatajirika kinoma na haswa ile mbaya.

nimerudi na kazi kama kawaida tu

jlkamala@yahoo.com (kamala Lutatinisibwa Lutabasibwa) — Sun, 27 Dec 2009 15:44:00 +0000

elee kuwa mambo yalikuwa mazuri na migomo ya kutosha lakini nafurahia maisha na naendelea kama kawaida sasa.

picha hazitawekwa hapa sasa kwani tumeona ziendelee kuwa private zaidi kwa ushauri wa mama

nilizimiss blogs kibao katika kipindi hiki lakini nilipata wasaaa wa kutosha saana kupumzika. juma hili nalo nina mizunguko kidogo na mapumziko halininayoifurahia kwani kupumzika kumekuwa kitendawili sasa

tutendelee na blogu zetu kama kawaida sasa. naona mitaani watu wamejaa furaha na shangwe lukuki za sikukuu wasiojua chonzo chake lakini maisha yanaendelea japo ni ulevi kwa kwenda mbele.

nafurahia maisha na nashukuru saana kuwa na wewe hapa kijiweni.

Asanteni,

Mr kamala JL, Mume wa mtu kisheria na kimapenzi

neno la ndoa tulilosomewa hili hapa

jlkamala@yahoo.com (kamala Lutatinisibwa Lutabasibwa) — Thu, 24 Dec 2009 09:04:00 +0000

Wakolosai 3:1-25
Wakolosai 3
Maisha Mapya

1Basi, kwa kuwa mmefufuliwa pamoja na Kristo, elekezeni mioyo yenu kwenye mambo ya juu, alikokaa Kristo, upande wa kulia wa Mungu. 2Yafikirini mambo ya juu na siyo mambo ya hapa duniani. 3Kwa maana ninyi mlikufa, na uzima wenu umefichwa pamoja na Kristo kwa Mungu. 4Wakati Kristo ambaye ni uzima wetu ataonekana, ndipo na ninyi mtakapoonekana pamoja naye katika utu kufu.
5Basi, yaangamizeni kabisa mambo yote yanayotokana na asili yenu ya kidunia: uasherati, mawazo machafu, tamaa mbaya, nia mbaya na choyo ambayo ni ibada ya sanamu. 6Kwa sababu ya mambo haya, ghadhabu ya Mungu inakuja. 7Ninyi mlikuwa mkitenda mambo haya katika maisha yenu ya zamani. 8Lakini sasa ni lazima mwa chane kabisa na mambo kama haya: hasira, ghadhabu, nia mbaya, matukano na maneno machafu kutoka vinywani mwenu. 9Msiambiane uongo kwa maana mmekwisha vua utu wenu wa zamani pamoja na matendo yake 10na kuvaa utu upya ambao unaendelea kufanywa upya katika ufahamu ili ufanane na Muumba wake. 11Katika hali hii hakuna tena tofauti kati ya Mgiriki na Myahudi, aliyetahiriwa na asiyetahiriwa, mtu aliyesoma na asiyesoma, mtumwa na mtu huru. Bali Kristo ni yote na yumo ndani ya wote. 12Basi, kwa kuwa ninyi ni wateule wa Mungu, wapendwa na watakatifu, vaeni moyo wa huruma, wema, unyenyekevu, upole na uvumilivu. 13Vumilianeni na kusameheana kama mtu ana malalamiko kuhusu mwenzake. Sameheni kama Bwana alivyokwisha kuwasamehe. 14Juu ya haya yote, vaeni upendo ambao unaunganisha mambo haya kuwa kitu kimoja kilicho kikamilifu.
15Ruhusuni amani ya Kristo itawale mioyoni mwenu kwa kuwa ninyi kama viungo vya mwili mmoja mmeitiwa amani. Tena muwe na shukrani. 16Neno la Kristo lidumu ndani yenu kwa wingi, mki fundisha na na kuonyana katika hekima yote; na huku mkiimba zab uri, nyimbo na tenzi za rohoni na mkiwa na shukrani kwa Mungu mioyoni mwenu. 17Na lo lote mtakalofanya, ikiwa kwa neno au kwa tendo, fanyeni yote katika jina la Bwana Yesu, mkimshukuru Mungu Baba kupitia kwake.
Wajibu Katika Familia 18Ninyi wake, watiini waume zenu kama inavyopasa katika Bwana. 19Ninyi waume, wapendeni wake zenu wala msiwe wakali juu yao. 20Ninyi watoto, watiini wazazi wenu katika mambo yote, kwa maana hii humpendeza Bwana. 21Ninyi akina baba msiwachokoze watoto wenu wasije wakakata tamaa.
22Nanyi watumwa, watiini mabwana wenu wa hapa duniani katika mambo yote; fanyeni hivyo kwa moyo safi mkimwogopa Mungu, na wala si kwa kutafuta upendeleo wakati wanapowatazama. 23Lo lote mfanyalo, lifanyeni kwa moyo kama watu wanaomtumikia Bwana na siyo wanadamu. 24Kwa maana mnafahamu kwamba mtapokea urithi wenu kwa Bwana kama tuzo yenu.

neno la ndoa tulilosomewa hili hapa

jlkamala@yahoo.com (kamala Lutatinisibwa Lutabasibwa) — Thu, 24 Dec 2009 09:04:00 +0000

Mwanza na Honey Moon au mwezi wa Asali

jlkamala@yahoo.com (kamala Lutatinisibwa Lutabasibwa) — Sat, 19 Dec 2009 05:28:00 +0000

huyu ni Mzee Adam Sijaona akifurahia Mandhali ya mwanza mbele ya hotel ya impala na bonge la bustani

hapa nilipozi picha ya kabala sijasafiri kwa mtumbwi wa babuyake Matondo kuelekea kisiwa cha saanane iliko mizimu ya familia ya Matondo

Mzee Adam na maDereva wa Mtumbwi uliotuvusha hadi Saanane kwa ajili ya mediatation na kushangaa shangaa kidogo

kwa heri naenda fungate huko huko saanane ila sina uhakika kama kweli mimi huyu nahitaji fungate. kazi nyingi za maisha ya kila iku zimenisubilia na ninapaswa kuchakalika ipasavyo, kwenda fungate yaweza kuwa ni uzembe kwani sio lazima. Ila nimechoka sana na hivyo funngate igenisaidia kupata wasaa wa kupumzika na ku-meditate vyema. barikiweni mpaka nitakaporudi tena, amina

utamaduni na nguo za kitamaduni hizi

jlkamala@yahoo.com (kamala Lutatinisibwa Lutabasibwa) — Fri, 18 Dec 2009 06:45:00 +0000

Mabasi mawili yagongana uso kwa uso

jlkamala@yahoo.com (kamala Lutatinisibwa Lutabasibwa) — Fri, 18 Dec 2009 06:09:00 +0000

Watu kumi na tisa wamefariki papo hapo huko Moshi (Same) likitokea Mombasa. Basi mojawapo ambalo limehusika ni Mohammed Trans na gari dogo aina ya Coaster

inasemekana ni Basi la mohamed trans, nilipendalo na nilisafirialo saana kwani nadai ni salama kukliko menngineyoyote

ndoa ni ndoano, ni kifungo?

jlkamala@yahoo.com (kamala Lutatinisibwa Lutabasibwa) — Thu, 17 Dec 2009 07:20:00 +0000

kijiwe hiki kilikuwa kikiongelea masuala ya ndoa kwa muda mrefu na imefika hatua ya mwanakijiwe kufunga ndoa. ukweli ni kwamba mwanakijiwe ni mwanandoa wa muda sasa ila ameamua tu kufunga ile ya kanisani na hivyo ana ka-uzoefu katika masuala haya.

basi nilihudhuria mafundisho ya ndoa kanisani. wanafundisha vitu vya ajabu kidogo. mzee mmoja aliniambia kuwa maana halisi ya ile pete ni upendo unaozunguka, hauna kikomo eti.

sasa mafundisho tukaambiwa ya kuwa tunaapa ili tukitaka kuachana turejee (hasa wanaume) kwenye kauli zetu za viapo. katika mafundisho yale linaongelewa zaid suala la kuachana, kugombana na 'negatives' nyingine badala ya positives.

kwa utafiti wa kiutambuzi usio rasimi ni kwamba, ndoa nyingi zinashindwda kuendelea kwa sababu ya baadhi ya maneno wakati wa kufunga ndoa hizo. kwa mfano MC anasema, 'usiende ukampiga' au wazazi wanasema 'mwangalie binti yetu hana hata kovu' au usilewe pombe na kurudi usiku ukamtwanga au usiende nje ya ndoa eti kazeeka au sio mtamu tena!!!

maneno haya na mengine mengi yanasemwa tukidhani twatenda vyema. kumbuka ....as you think, so you become! wanandoa wakiangalia mkanda wa video wa harusi na kusikiliza maneno hayo, huwajaa akilini na baadaye kuwa vitendo na ndio maana ndoa nyingi huishia kubaya.

tuwe positive na kufuta negatives katika ndoa zetu jamani au sio?

suala lingine tumeambiwa ya kuwa Mungu ndiye wa kwanza kufungisha ndnoa kuwa eti alimpatia Adam Eva /Hawa na eti hawa alitoka ubavuni mwa mwanamke!! labda iko hivyo kwa sababu bible iliandikwa na wanaume. mimi daima nashuhudia wanawake wakitubeba tumboni na kutuzaa tena kwa kupitia ukeni. wanatubeba na kutunyonyesha harafu wanatupatia mapenzi na mara nyingi wanaume hulala kwa juu. sasa nani anatoka katika mwingine?

anyway, welcum 4 wedding

nawowa jamani nafunga ndoaz

jlkamala@yahoo.com (kamala Lutatinisibwa Lutabasibwa) — Tue, 15 Dec 2009 09:49:00 +0000

kuna mijadala miingi kuhusu ndoa, kufunga ndoa na harusi katika jamii yetu. kwakuwa naishi katika jamii, nimejikuta nami nikipaswa kufunga ndoa ya kanisani kwani kumbuka kanisa sio baya na nizuri.

basi weekend hii jpili saa 7 mchana, mimi na my beloved waifu tutavaa nguo mpya na kwenda mbele ya hadhira na pasta ili tuvalishwe pete na kukla viapa kidogo nakiasi katika kanisa la KKKT pale posta.

wanablogu woote mnakaribishwa. kutakuwepo na kijisheree kidogo tu na hakuna mchango wala nini kwa wanaojisikia njooni tu.

tumelazimika kufanya hivyo baada ya wife kupata kazi anayoipenda katika KKKt na hivyo hawezi kuajiriwa nakuzaa bila kufunga ndoa kwani itakuwa muujiza huo.

NB; Chacha Wambura ndiye atakuwa bodyguard wangu siku hiyo

nilifukuzwa shule kwa kosa la kusikiliza redio

jlkamala@yahoo.com (kamala Lutatinisibwa Lutabasibwa) — Tue, 15 Dec 2009 05:52:00 +0000

leo kijana wa Changamoto amenikumbusha kitu cha ajabu ambacho ni kufukuzwa shule kwa muda (suspension) nilipokuwa kidato cha Nne katika shule ya sekondari ya Tweyambe kwa makosa mawili moja ni la kumjibu 'hovvyo' mwalimu na jingine ni la kusikiliza redio.

ilikuwa ni siku moja miezi kama miwili tukikaribia kumalizia masomo kwa kufanya mtihani wa mwisho wa taifa maarufu kama neshono (national). akatokea mwalimu wa Bweni aitwaye Lukongwa, akatuzuia kupata chakula cha jioni mpaka tufanye adhabu fulani. nilimsihi atuachie ili tupate chakula tukajisomee ili tuweze shinda mtihani nakuwa na maisha mazuri kama ya kwake.

mwalimu yule akanisema kwa kichwa master (head master) na kumwomba nifukuzwe. nilijitetea kuwa sikutoa tusi bali ni ombi la kusoma ili tumalizie masomo yetu salama. kichwa master alinikatalia kuwa alikuwa siku nyingine akinikuta nasikiliza kiredio changu chamkulima. nikamwambia kuwa huwanasikiliza BBC, VOA ili nijipatie taarifa zaidi. Kichwa master akanikatalia na kusema ni kosa na hivyo nastahiri kufukuzwa kwa Muda.

nikafukuzwa. hivyo basi, upenzi wangu wa VOA uliwahi kuniponza. na sijui kama mpaka sasa ni kosa kusikiliza redio pale shuleni au la na nitafatilia

mazowezi muhimu kidogo na hiyo ni mechi

jlkamala@yahoo.com (kamala Lutatinisibwa Lutabasibwa) — Mon, 14 Dec 2009 07:25:00 +0000

Tuengeneze Nyerere wa kizazi cha leo.

jlkamala@yahoo.com (kamala Lutatinisibwa Lutabasibwa) — Mon, 14 Dec 2009 07:13:00 +0000

makala hii ilitoka katika gazeti la kwanza jamii......

Naandika makala juu ya Nyerere kwa kuchelewa kutuokana na kuwa kwangu vijijini wakati wa siku ya kumbu kumbu ya kifa cha Mwalimu Julius K Nyerere. Siku hizi kijijini kwetu kuna umeme hata kama ni mbali, kuna huduma za kompyuta nakadhalika lakini sikuwa kwenye mazingira ya kuweza kuandika makala na tutaliona hili kiutambuzi kwamba ni kwanini kuna wakati tunapawa kuwa mbali na kelele na shughuli zetu za kawaida na kuingia katika mazingira mapya.

Katika kukumbuka siku ya kifo cha mwalimu Nyerere, nilibahatika kusoma magazeti kadhaa na kusikiliza vyombo vya habari juu ya maoni ya watu mbali nbali kuhusu maisha ya Nyerere na tathmini ya miaka kumi ya kifo chake. Wengi wetu wanaonekana kutokujua hitaji letu halisi haswa sisi kama kizazi cha leo juu ya Nyerere na maisha yake.

Wengi wanaongelea maisha ya Nyerere na kifo chake kama suala la kidini zaidi. Wanatamani Nyerere arudi, wanashindwa kujua kuwa Nyerere hawezi kurudi kamwe, muda wake kuondoka ulifika na akaondoka na nyakati zake ziliisha pita pia. Hata mchora katuni mmoja alichora katuni ya Nyerere akiwa amerudi na anawatandika viboko baadhi ya watu walioenda kinyume na maadili au matakwa yake

Wengi wa waandishi wa makala na watoa maoni wanamfananisha Nyerere na Yesu Krisito (anayeaminika kuwa muasisi wa dini ya ukristo). Inasemekana kuwa Yesu Kristo atarudi siku moja kuwakomesha watenda maovu. Hivyo ndivyo wengi wanavyomchukulia Nyerere kuwa labda anaweza kurudi. Wanashindwa kujua ya kwamba Nyerere na Nyakati zake haziwezi kurudi. Wanadhani Nyerere akirudi atatenda yale aliyoyatenda. Wanashindwa kujua kuwa hata kama angerudi hizi sio Nyakati zake na hivyo ni nyakati za kizazi cha sasa kujenga jamii bora, imara na endelevu.

Tunapotamani na kutegemea kuwa labda Nyerere anaweza kurudi tunajinyanyasa na kuwapatia nafasi wadhalimu waendelee kutudhalilisha. Hizi ni nyakati za kutengeneza akina Nyerere wapya wa kizazi chetu na wamazingira yetu. Ni kweli tunamengi ya kujifunza, kuiga na kufuata katika maisha ya hayati Nyerere lakini pia tunahitaji wakombozi wetu wa kizazi cha leo na sio kuendelea kutarajia kurudi tena kwa hayati Julius K Nyerere.

Swali lingekuwa; Nyerere alifanya nafasi yake kwa wakati wake, lakini je sisi tunaomlilia na kulalama, tumefanya nini na tunafanya nini katika nafasi zetu na Nyakati zetu ili kuikomboa jamii yetu? Hivi kweli nafasi yetu ni kumlilia tu Nyerere au ni kuwa watu bora na kujenga jamii bora?

Kwa nini tusitengeneze akina Nyerere wapya wa kizazi cha leo badala ya kumlilia tu Nyerere aliyepita na kutuamani arudi wakati hawezi kurudi? Kwanini magazeti yetu yasijae kurasa zenye maisha ya Nyerere na utafiti juu ya nini kilimfanya Nyerere afinikiwe kutenda Mema mengi aliyoitendea jamii yetu ili tuone njia badala ya kuota ndoto za mchana kuwa atarudi?

Koero Mkundi ni binti mdogo anayeammini kuwa Nyerere hajafa. Anadai hajafa kwa kuangalia matendo yake, maandishi yake nk. Ni kweli hajafa. Kifikra, kiroho na hata kiutu bado tuko naye, tunamuua sisi wenyewe kwa kutarajia arudi wakati yupo. Tunashindwa kumhishi na kuwawezesha wengine na hasa vijana wadogo wamhishi na badala yake tunasaidiana kulia lia.

Tutengeneze Nyerere wapya na wa kizazi chetu watakaoyaishi na kuyaendeleza mema ya hayati baba wa taifa na kuzaa jamii inayotenda mema.

nani huyu jamani! mweusi ehe??

jlkamala@yahoo.com (kamala Lutatinisibwa Lutabasibwa) — Fri, 11 Dec 2009 13:06:00 +0000

basi bwana, ilikuwa ni siku ya uhru tukajipanga kucheza mpira wa miguu katika viwanja vya chuo cha ustawi wa jamii. nilicheza winga aka namba saba na mpira ulikuwa Mwema na tulishinda 4 dhidi ya tatu il nilitoka mapema uwanjani, pumzi hakuna

jlkamala@yahoo.com (kamala Lutatinisibwa Lutabasibwa) — Thu, 10 Dec 2009 11:44:00 +0000

unadhani huyu aliyekaa ni nani?, waliosimama ni Andrea wa Ujermani, Adam sijaona wa dar, na mimi nimepiga magoti kitandani. jamaa aliyekaa ni mwenzetu katika uwanja wa blogu na weng

i htamani kumwona. picha ni ya Sant balijit Singh wa santmat meditation katika ku-convey initiation jijini Mwanza. kwa atakaye mjua, zawadi nono yatolewa, Amina

Ndoa, kwanini kuzaa watoto?

jlkamala@yahoo.com (kamala Lutatinisibwa Lutabasibwa) — Mon, 07 Dec 2009 12:39:00 +0000

katika mijadala tumeoina mengi na baadhi, sasa leo tuone juu ya uzazi wa watoto katika ndoa. kwanza kabisa kuna wazazi wanaowalingia watoto wao juu ya kuwazaa, utasikia mzazi akimwambia mtoto kuwa wewe, nimekuzaa, nimekulea na kukusomesha. wazazi kama hawa wanashindwa kujua kuwa hakuna aliyewahi kuomba kuzaliwa na kuzaa kwao ni matokeo tu ya vitendo vyao na wala hakuna aliyewahi kuomba kuzaliwa.

uzaaji wetu ni matokeo ya matendo yetu na hasa ngono. inashangaza baadhi ya watu wanafanya ngono na kuogopa matokeo (mimba), kwa hiyo kama wewe unafanya ngono basi kuwa tayari kukubaliana na matokeo yaani kuwepo kwa mimba au kutokuwepo pia.

wengi huchukulia watoto kama tunu, heshima na kadhalika na wengine hufikia wakati wa kudai watoto au kuwatafuta kwa nguvu yoyote ile na wanasahau kuwa watoto ni matokeo tu ya matendo yetu. wapo pia wajaribuo kuzuia mimba au hata kuharibu mimba ili wasizae.

ila kwenye ndoa tunapaswa kuzaa watoto kwa sababu tu ya kukamilisha kanuni ya utegemezi. kwamba kama binadamu tunahitaji mama, dada. tunahitaji demu (girl friend). tunahitaji mke nk. kwa hiyo ni lazima tuzae ili na wengine waweze kuwapata kupitia sisi japo kila azaliwaye huja na mikakati yake, malengo na mitizamo yake.

kwa hiyo sisi kazi yetu ni kuwaleta duniani, kuwapa malezi mpaka pale watakaposimama wenyewe na kuishi maisha yao.

ndoa ikikosa watoto sio ishu japo wengine huanza kujiona kama wamelaaniwa na kwenda kuombewa ili wapate watoto. wanasahau kwamba sio lazima hata kidogo wakati mwingize kuzaa watoto. kuna waliozaa watoto na wanajuta kuwazaa na hivyo labda ni bora kutokuzaa wakati mwingine. kwa hiyo wanapokuwepo tuwapokee, tuwalee na kuwaacha wawe wao kwani kanuni ya utagemezi imekamilishwa.

watoto sio wa baba wala mama bali ni wao wenyewe na wanajimiliki wao sio mtu mwingine kuwamiliki. tusijifunganishe nao kupita kiasi, wanamaisha yao, mapenzi yao na uchaguzi wao pia

VIwanja, Viwanja vinauzwa!

jlkamala@yahoo.com (kamala Lutatinisibwa Lutabasibwa) — Sat, 05 Dec 2009 15:55:00 +0000

Viwanja vifuatavyo vinauzwa viko eneo la vikindu ni umbali wa kilometa kumi kutoka Mbagala.

Ekari 13 tsh 21 milion

Ekari 14 Tshs 25 milion

Ekari 2 Tshs 2 milion

Eekari 10 Tshs 15 milion

Ekari 10 Tshs 13 Milion.

kwa mawasiliano na manunuzi zaidi waweza piga simu namba; 0787 809 886 au wasiliana na uongozi wa blog hii

unaoni nini / nani hapa?

jlkamala@yahoo.com (kamala Lutatinisibwa Lutabasibwa) — Thu, 03 Dec 2009 06:20:00 +0000

Kijiwe Chafikisha miaka Mitatu-epibisidei

jlkamala@yahoo.com (kamala Lutatinisibwa Lutabasibwa) — Mon, 30 Nov 2009 09:04:00 +0000

Jamani kijiwe Chetu kimefikisha umri wa miaka mitatu tangu kiwe hewani. mara ya kwanza kabisa kuona blogu ilikuwa ni kupitia kwa majidi mjengwa aliyekuwa akiandika kwenye gazeti nililolipenda na kuacha anwani ya blogu yake, nilipata shida kuifungua kwani niliandika sport badala ya spot.

nilipofanikiwa kuifungua na kuitembelea, nilitembelea na nyinginezo nyingi kama vile Michuzi nakadhalika. nilifanya utundu na ikizingatiwa kuwa wakati huo (2006) nilikuwa mwanafunzi wa masuala ya Teknohama mpaka nikatengeneza blogu yangu mwenyewe. blogu ya kwanza kutengenezwa na mimimi ilikuwa ni Mushanage.blogspot.com amabayo baadaye nilisahau paswed yake na kuitelekeza na ilikuwa ni octoba 2006

nilitengeneza blogu nyingine kadhaa mpaka hii. mwanzoni iliitwa ijawebonere.blogspot.com na niliamua kuibadilisha jina baada ya kuona ni gumu kulitamka kwa wapenzi wengi wa blogu hii. niliamua kukiita kijiwe kwamba ni mahala pa watu kujisemea tu hii ilikuwa ni bifu baada ya kuona mjengwa anabania baadhi ya comments kwenye blogu yake na hasa za vijana.

baadaye nikaaza kuwatengenezea watu blogs, nilimtengenezea kijana mike dalali (nkwabi.blogspot.com) mike mahenge na wengineo kama vile kaluse (utambuzi na kujitambua).

blogu au kijiwe hiki kilianza kikitoa zaidi habari za kawaida zilizotokana na makala zangu kwenye magazeti, na baadaye picha na makala huku lengo likiwa ni kufanya picha. aliponitembelea bwana kaluse kwa lengo la kutaka kufunguliwa blogu, na akaanza kuandika juu ya utambuzi, ndipo nilipogundua kuwa kumbe maarifa ya utambuzi ni muhimu kushea bloguni. ndipo nikaanza kutundika mambo yanayofanana na hayo.

kublogu kumenifundisha mengi nakumenikutanisha na wengi. sikuwahi kufikiria saana juu ya kutengeneza faida lakini ninafaida lukuki zikiwemo zile za kujamiiana (socialization). sasa nafahamiana na watu wengi kila kona ya dunia. wengine tumetokea kuwa ndugu kwa sababu tu ya kublogu.

nimegundua kuwa blogu hizi husomwa na watu wengi na wengi wao hushindwa au hawapendi kuacha maoni. ukiwa mitaani unaona wengine wanaeleza ni kwa kiasi gani wanafarijika kwa kusoma blogu. hata hivyo muda wa kublogu wakati mwingine huwa mdogo au hukosekana kabisa na hapo ndipo hupita siku kibao bila kutundika jipya lakini muda wote huwa unawafikiria wasomaji wako au wankijiwe.

Leo hii blogu hii imefikisha miaka mitatu kamili tangu mtundiko wa kwanza uingie hapa na nawashukuruni sana wote kwa kunifanya niendelee kuwepo. huwa nafarijika na maoni ya kila mmoja na ninaaminitunaweza kujenge jamii bora kwa kupitia blogu zetu hizi pia.

Blogu pia upunguza urasimu wa vyombo vya habari na hutoa taarifa mbali mbali nampya. kuna watu (na hasa familia) wanaojifanya kutokutembelea blogu hii lakini katika maongezi hujikuta wameongelea yaliyomo humu.

najiuliza ikitokea nikaacha mwili ghafra blogu hii itakuwaje kwani ni mimi pekee mwenye pasword pia mwandishi na mhariri!

OMUKAMA ABABELE

kuna Nykakati choo cha uswahilini huwa bora kuliko hoteli

jlkamala@yahoo.com (kamala Lutatinisibwa Lutabasibwa) — Fri, 27 Nov 2009 13:51:00 +0000

Samahani naomba kutoka nje ya mada leo. kumbuka kijiwe chetu kimekuwa kikijadili juu ya ndoa, sasa leo kidoogo tuone juu ya haraka za kwenda chooni kuliko jikoni, au chumbani nahata kwingineko, ni ugonjwa wa kuharisha aka mdogo wake kipindua pindua.

siku Moja miaka ya 2004 nikitokea Posta kwenda Nyumbani Mwenge, nilisikia tumbo linaleta za kuleta mitaa ya Moroko. nikavumilia na kumbuka silijui jiji, nikafikiri ntafika home. hali ikawa mbaya, nikashuka kituo cha Nyirenda A.k.a ITV na kukatiza mitaa ili niwahi kilipo choo. nikielekea nyumbani, nikaona no, hali ni mbaya siwezi kumwahi raifiki yangu mpendwa i.e choo. nikageuza na kuifukuzia baa ya Meryland iliyioko kituoni ili niende chooni. hapa natembea kwa kasi na kwa stairi za ajabu ajabu nikikata mauno. nikazuga kama naenda kaunta na kuelekea choooni.

ni soo, kuna mtu kajifungia mule, duh, nikasubili nikiwa nimesimama kama ile nina mguu mmoja ili kubana injini isishuke ghafra. jamaa akatoka na kunisalimia 'za sahizi' sssalama! nikamjibu nakuingia ndani. moyo uliburudika na nilifurahi saaana kukiona choo kile kichafu, nikakifanyizia na kubakiza zigo la nyumbani, si ni ugonjwa wa ghafra!

basi mdogo wangu EK ananipahabari yalivyowahi kumkuta mitaa ya mabibo na akaamua kuivamia nyumba asiyoijua ili aonyeshwe choo kilipo. anabisha hakuna mfunguaji, kilikuwepo choo cha nje, akajisevia na kukifurahia choo kile. alipomaliza hakuona mtu na kujiondokea zake.

sasa kali ni jamaa mmoja, kitu kimebana na injini inataka kutoka kwa njia ya kuharisha. jamaa kaona nyumba mbele yake asiyoifahamu, akaamua kuingia, alikatiza kwenye korido mpaka huani na kuwakuta wamama wanapika pika na kusukana pale, hakuuliza wala kusalimia, alikimbia nduki mpaka chooni.

alipokwishamaliza kukifurahia choo kile, akaanza kujishangaa jinsi alivyokatiza mpaka uani na kujua choo kilipo na soo ikawa ni atatoka vp mle, ila akatoka tu nakuwasalimia wale wamama ambao mwanzoni aliwapita bila kuaona na kuwaomba samahani kwa kuwainngilia, nao wakamuelewa na kumcheka, akafurahia kukifurahia choo.

somo; kuna nyakati choo huwa muhimu kuliko chakula. ukimuona mtu anakula chakula kitamu, fikiria masaa machache baadaye itakuwa ni uchafu, divi linukalo